Shakira e gatshme për familje

Shakira edhe një herë ka pohuar se ajo është e gatshme të fillojë familje me të fejuarin e saj Antonio de la Rua pasi ‘ora biologjike po troket’.

32-vjeçarja, e cila tashmë katër vite është e fejuar me 36-vjeçarin De la Rua, thotë se ajo është e etshme për të filluar familje dhe se kjo do të ndodhë mbase vitin e ardhshëm.

“Po vdes të kem një foshnjë. Që të dy e dëshirojmë. Do të doja dy ndërsa Antonio dëshiron tre. Andaj sigurisht pas albumit tim të ardhshëm, që vjen vitin tjetër. Nuk mendoj se do të jetë më herët pasi në vitin 2010 do të jem në turne po ashtu”.

“Në fakt, ora ime biologjike tashmë po bie dhe nuk di si ta përshkruaj. Kjo është bërë thjesht një nevojë fizike tash”, ka thënë këngëtarja kolumbiane.